رواية انتي دنيتي كامله
تعرفيه خلي صورتو الحلوة ببالك معلقة .
ام ادم : كيف هيك بتعمل لك هاد ابني حتى لو ما عرفتو كنت بدي شوفو لاخر مرة كنت بدي احضنو و شم ريحتو .
الدكتور : الحمدلله على سلامتها .
ليلى : شو صار معها دكتور
الدكتور : مافي شي پخوف يمكن متعرضة لصدمة يومين بالكتير و بترجع لطبيعتها .
ليلى : يعطيك العافية دكتور .
الدكتور : الله يعافيكي السلام عليكم .
ليلى : وعليكم السلام .
رجعت لعند اختي عالغرفة كانت امي قاعدة جنبها وماسكتلها ايدها و مفتحة عيونها و عم تبكي بدون صوت .
بعد مرور اسبوعين...
ابو ادم : بدنا نسافر برا البلد .
ام ادم : لا ما بسافر و بترك ابني ادم لحالو انا كل يوم عم روح لعندو اغسلو القپر و حط عليه ورد اذا رحت مين بدو يغسلو قبرو .
ابو ادم : لازم نسافر يا ام ادم مشان ابنا احمد يضل بخير احمد صار وحيدنا .
ام ادم : يا حبيبي يا ابني رحت بسرعة قبل ما افرح فيك رحت قبل ما شوفك بعيد هالغياب .
ابو ادم : ضبي اغراضنا وانا طالع بيع كلشي بضاعة بالمحل لنسافر .
ام سعيد : يا بنتي مشان الله كلي من ايدي هاللقمة شوفي وجهك كيف صاير .
شيرين : هو بريئ انا متأكدة انو بريئ و مظلوم .
ام سعيد : يا بنتي دعيلو الله يرحمو و يغفرلو الحياة ما بتوقف عند شخص و لو كان مظلوم نيال المظلوم عند ربو بريئ .
شيرين : يا ريتني شفتو للمرة الاخيرة بس .
ام سعيد : هلأ يا بنتي كلي من ايدي لازم تقوي حالك و تحطي ببالك انك رح تعيشي كرمال تدعيلو .
بعد يومين...
ابو ادم : جهزتي ام ادم
ام ادم : اول شي بدي روح على قبر ادم و بعد هيك بدي روح زور شيرين لاخر مرة .
ابو ادم : متل ما بدك .
احمد : الشناتي صارو بالسيارة .
ابو ادم : توكلو على الله .
وصلت لعند قبر ابني شلت من تراب قبرو شوي و خبيتهن بمرطبان لحتى حس انو ابني جنبي عطول .
ابو ادم : لا حول ولا قوة الا بالله .
ام ادم : لا تنسى بدي روح لعند شيرين .
ابو ادم : ما نسيان .
ام سعيد : ام ادم اهلا و سهلا تفضلي .
ام ادم : بدي شوف شيرين .
سمعت صوت مرت عمي ركضت لعندها و حضتها حسيت ريحة ادم فيها .
ام ادم : بنتي هاد العقد هدية الك من ادم لقيتها بشنتايتو .
صرت اتأمل العقد كان محفور اسمي عليه و حوالي اسمي قلوب رجعت بذاكرتي...
ادم : شو عم تعمل الحلوة
شيرين : عم تعمل قهوة و تاكل من الحلو يلي بعتلا ياه انت .
ادم : هههه صحة وهنا يا عمري .
شيرين : على قلبك .
ادم : حبيبتي اختاري عقد من هالصورة .
شيرين : ليش
ادم : بدي جبلك واحد ليكون هدية زواجنا .
شيرين : انت هديتي ما بدي شي من هالدنيا غير توصل بالسلامة و كحل عيوني بشوفتك .
ادم : معناها رح جبلك ياه على ذوقي لاني بعرفك ما رح تختاري .
شيرين : بحبك .
ادم : انا بعشقك .
شيرين : يا عمري شو حلو ذوقك .
ام ادم : بنتي انا مسافرة .
شيرين : لوين
ام ادم : ما مهم لوين المهم تنتبهي على حالك و توعديني انك تضلي تسقي قبر ادم و تحطي ورد .
شيرين : بوعدك وانتي انتبهي على حالك .
ام ادم : الله يسعدك يا بنتي .
ام سعيد : شيرين اشلحي الخاتم بنتي متل ما فهمتك .
شلحت الخاتم من ايدي و بقلبي غصة ما بتنوصف ...
شيرين : مرت عمي .
ام ادم : نعم .
شيرين : تفضلي .
اخدت مني الخاتم و راحت راح اخر شي بقيلي من ادم ...
بعد مرور شهر...
رجعت لشغلي كنت كل خميس روح على قبر ادم اسقيه و حط ورد جديد احكي معو واشكيلو همي لبست العقد و ماعاد شلحتو مم رقبتي قدرت ارجع لحياتي
