رواية انتي دنيتي كامله
باحسن صحة انا بدي روح على بيت اهلي لترتاح من ابني .
بهاء : اذا بتطلعي برة هالبيت بتكوني طالق .
شيرين : ليش مين قال انو بعد هالاهانة بقبل ضل على ذمتك طلقني بهاء و بوعدك ما نزعجك لا انا ولا ابني طول العمر .
ضبيت تيابي و تياب ابني و رحت لعند اهلي...
باليوم التاني رتبت غرفة ابني ضحكتو نستني كل ۏجعي و قهري تطلقت من بهاء و فرغت حالي لابني بس .
لما خلصت العدة رفضت اتوظف لحتى ما اترك ابني و بما انو دراستي ترجمة تعاقدت مع مكتبة و صرت ترجم الروايات من الانجليزي للعربي و سلمها للمكتبة واخد اجرتي .
شيرين : يا وسيمووو يا مامي دخيل هالضحكة الحلوة يا ملاكي .
ام سعيد : ما يبلى الوسيم .
شيرين : شايفة شو لابقلو اللون الازرق يا امي .
ام سعيد : متل لون عيونو بياخد العقل .
شيرين : هاد نبضي .
ام سعيد : الله لا يحرمكن من بعض وما يحرمني منكن .
شيرين : عم يندق الباب هي اكيد ليلى .
ام سعيد : رايحة افتح .
شيرين : لا حبيبتي ارتاحي انتي انا بفتح .
مشيت وانا عيوني على ابني التفتت و فتحت الباب جمدت مكاني من يلي شفتو اختفى صوتي و ما قدرت اتحرك ولا احكي من الصدمة...
يتبع بالجزء الأخير...
انتدنيتي
الجزءالثامنالأخير
مشيت وانا عيوني على ابني التفتت و فتحت الباب جمدت مكاني من يلي شفتو اختفى صوتي و ما قدرت اتحرك ولا احكي من الصدمة...
سعيد : هههه شبك مصډومة هيك
شيرين : شو جابك ما خفت ياخدوك من المطار
سعيد : ليش لياخدوني بعدين هيك بيستقبلو اخوهن يلي ما شافوه من 4 سنين
ركضت حضنت اخي و صرت ابكي بكيت بطريقة الشكوة كأني عم اشكيلو كلشي مريت فيه حملتو كل القهر يلي كنت شايلتو .
سعيد : بس حبيبتي روقي انا جنبك و رجعت لقويكي و رجعلك ضحكتك .
ام سعيد : ابني حبيبي ماعم صدق عيوني .
سعيد : اشتقتلك يا غالية .
شيرين : سعيد شوف ابني شو حلو .
سعيد : الله يحميه كتير حلو .
ام سعيد : وين مرتك و ولادك ابني
سعيد : نزلتهن عند بيت حمايي و انا جيت شوفكن على رواق .
شيرين : شو هالمفاجأة الحلوة اخي ما توقعتك تكون انت .
سعيد : من زمان كنت ناوي اجي بس ظروف شغلي ما سمحتلي و من اسبوع اشتغلت كلشي عليي لحتى سمحولي اخد اجازة .
ام سعيد : اديش اجازتك
سعيد : 15 يوم .
شيرين : ما منلحق نشبع منك ومن ولادك .
سعيد : بتلحقي المهم هلأ اتصلو على ليلى خليها تجي .
ام سعيد : رح اتصل .
سهرنا انا و اخواتي صرنا نسترجع ايام زمان و تمنينا لو كان ابي لسا عايش و سهران معنا...ضحكنا كتير و نسينا همنا ...
باليوم التاني...
سعيد : ليلى اتصلي على عماد بدي احكي معو .
ليلى : اي اخي امرك .
عماد : الو .
سعيد : شلونك صهر .
عماد : هلا بالغالي .
سعيد : المسا الساعة 6 بدي شوفك بالكفتريا يلي كنا نسهر فيها سوا .
عماد : لعيونك .
سعيد : سلام .
ام سعيد : ابني ايمتا بدك تجيب مرتك و ولادك .
سعيد : لبكرى امي خليها تشبع من اهلها هلأ .
رنا : وين كنت سيد بهاء
بهاء : عند امي .
رنا : كل يوم عند امك شو ما عندك مرة تقعد معها ولا انا معتبرني رجل كرسي بهالبيت .
بهاء : لا حبيبتي ما هيك بس لازم زور امي كل يوم انتي بتعرفي هيك الاصول .
رنا : الاصول تزورها كل اسبوع و من يوم ورايح كل يوم جمعة منروح منزور امك ساعة و امي ساعة و انتهت القصة .
بهاء : طيب متل ما بدك بس روقي .
رنا : حبيبي .
بهاء : عيوني .
رنا : اسفة لاني عصبت عليك بس انا مليت لحالي بدونك .
بهاء : وانا اسف لاني تاخرت عليكي .
رنا : حبيبي بدي اشتري طقم كنب جديد .
بهاء : شووو لك هاد جبتو وقت عرسنا
