رواية انتي دنيتي كامله
.
شيرين : ما بهمني المهم يكون بخير .
بهاء : ان شاء الله يكون بخير و يكون صبي لانو لو كانت بنت ما بعرف شو بدي قول لامي .
طلعنا من عند الدكتور انا فرحانة بس بهاء كانت الدنيا مو واسعتو...
بهاء : امي سليم عالطريق جهزيلو تيابو .
ام بهاء : يعني مرتك معها صبي .
بهاء : اي هي رجعتنا من عند الدكتور لعندك .
ام بهاء : الحمدلله انو صبي هي الاخبار يلي بتنسمع .
شيرين : منروح بكرى انا وانتي مرت عمي منشتريلو تيابو للبيبي .
ام بهاء : لا انا بروح لحالي .
شيرين : ليش .
ام بهاء : لاني ما بوثق بذوق غيري .
شيرين : على راحتك مرت عمي اكيد مافي احلى من ذوقك يلا نرجع عالبيت بهاء .
ام بهاء : لا مافي رجعة مبسوطة بشوفة ابني هلأ .
مع انو طلع معي صبي وما قدرت اكسب رضا و حب حماتي الي صرت بالشهر السابع ورحت عالدكتور لحتى اتطمن على ابني...
شيرين : كيف صحتو و نبض قبلو
الدكتور : النبض ممتاز .
بهاء : الحمدلله .
الدكتور : ممكن تتفضلو معي لنحكي برا موضوع لازم تستوعبوه .
شيرين : نستوعبو ! شو لسا في شي نستوعبو
بهاء : شو الموضوع دكتور
الدكتور : بصراحة انا شاكك انو انو
شيرين : انو شو
الدكتور : الجنين مريض بمتلازمة داون منغولي
بهاء : شوووو
الدكتور : مجرد شكوك ما اكتر .
شيرين : ابني منغولي !
الدكتور : انا بس حبيت حطكن بالصورة و يمكن تطلع مجرد شكوك لانو بتصير بكتير ناس منفكر الجنين مشوه او منغولي و بيطلع بصحة جيدة ومافيه شي .
بهاء : يعطيك العافية .
طلعنا من عند الدكتور كل واحد فينا بدنيا ما كنا عم نحكي مع بعض ركبنا بالسيارة بكل هدوء انا شردت بحكي الدكتور و فجأة وقف بهاء السيارة ...
بهاء : انزلي .
شيرين : لوين
بهاء : هي عيادة دكتور تاني بدي اتأكد اذا حكي الدكتور صح او مجرد شكوك متل ما قال .
شيرين : اوكي .
طلعنا من عند تاني دكتور و ركبنا بالسيارة حط راسو بهاء على الدركسيون...
شيرين : بهاء هيك ربك رايد .
بهاء : انا ما بدي هاد الولد .
شيرين : شو عم تحكي انت لك هاد ابنك .
بهاء : انا ما بجيب اولاد منغوليين .
شيرين : مو انت يلي بتجيب عكيفك ابنا ربك رزقنا ياه و ربك حط فيه هالمرض ليختبرنا .
بهاء : انا ما بدي هاد الولد ما لازم يعيش .
شيرين : هاد ابني و بدو يعيش مستحيل اتخلى عنو انا حاسة فيه حاسة بنبضو و حاسة بحركتو .
بهاء : انا حاسس بالخجل و حاسس باليأس و الحزن .
شيرين : بالخجل من حكمة ربك ! باليأس من رحمة ربك ! هاد الحكي من الشيطان مو منك .
بهاء : لو اجا هاد الولد يا شيرين انا ما مسؤول عنو وما رح اعتبرو ابني .
الجزءالسابع
رجعني بهاء عالبيت و راح ردة فعل بهاء وجعتني اكتر من وقت عرفت انو الجنين منغولي اذا ابوه هيك تصرف كيف رح يتصرف الغريب معو !
ام بهاء : شوووو انت شو عم تحكي الصبي منغولي !!!
بهاء : اي والله يا امي .
ام بهاء : شو هالحظ يلي الك يا ابني شو هالحظ .
بهاء : الله بيعين يا امي .
ام بهاء : مرتك شو قالت
بهاء : زعلت بس بدها الولد و بدها تربيه .
ام بهاء : بدها تربيه ليش هاد انسان طبيعي لتربيه خلص امي وحياتك لزوجك ست ستها لتجبلك خلفة متل الخلق .
بهاء : تزوجيني !
ام بهاء : اي بدي زوجك بنت خالتك رنا يلي بتحبك من لما كنتو صغار و خلي ام المنغولي تربيه على راحتها ابني ما بجيب ولاد منغوليين .
بهاء : يلي بدك ياه بيصير امي .
ام سعيد : معلش يا بنتي لا تزعلي هي ارادة ربك .
شيرين : انا مو زعلانة ماما بالعكس انا بحب ابني قبل ما شوفو و مستنيتو بس زعلانة من ردة فعل بهاء .
ام سعيد : بس
