رواية انتي دنيتي كامله
3 ايام .
شيرين : ماما تركيني لحالي هلأ بدي نام .
ام سعيد : على راحتك حبيبتي .
ليلى : وسام يا روح امك انت ورجيني الضحكة الحلوة .
ام عماد : لك مچنونة انتي هاد ما بيعرف يضحك لسا اي ما طبق الاسبوع .
ليلى : مرت عمي معلش تتركيني اعرف لعب الولد .
ام عماد : قال لعب الولد انتي عم تجننيه ماعم تلعبيه .
ليلى : ابني و انا حرة فيه .
ام عماد : الله ياخدك شو قوية .
ليلى : وياخدك معي مرت عمي .
ام عماد : قصدي ياخدك لعند اهلك كم يوم .
ليلى : اي وانا هيك قصدي تجي لعند اهلي كم يوم ولو مرت عمي .
عماد : لك بتضل صواتكن طالعة انتو .
ام عماد : مرتك لسانها طويل .
ليلى : وامك شغلتها تدعي عليي و تعذبني .
عماد : هاتي الصبي من ايدك .
ليلى : تفضل .
عماد : انا رايح نام مع ابني و انتو تناقرو لتشبعو تصبحو على خير .
ليلى : لك عماد ما تاخدو و تنام عماد هلأ بيزعجك يا ربي .
ام عماد : هههه وانا رايحة نام خليكي لحالك قاعدة .
ليلى : اي روحي اقعد لحالي احسن ما اقعد معك .
هيك حياتي من اول زواجي شغلة حماتي تقهرني و شغلتي ردلها و عماد ما بيتدخل لحتى ما تكبر بيني و بين امو ومع هيك مبسوطة بحياتي و بدعي ربي تكبر عيلتي اكتر و اكتر .
بعد 3 ايام اجو عماد و ليلى لحتى يستقبلو بهاء و اهلو جهزت حالي و دخلت لضيف القهوة و كمل الطقوس المفروضة عليي ڠصب عني انجبرت بعد ما سال عماد عنهم و عرف انهم ناس طيبين و بهاء ادمي و شغيل .
شيرين : تفضل .
بهاء : يسلمو .
اول كلمة قلي ياها ادم يسلمو تطلعت ببهاء شفت صورة ادم قبالي ابتسمت بس لحظات و راحت الصورة خجلت لما شفت بهاء قبالي و عم يبتسملي هو كمان مشيت بسرعة من قبالو ...
صار كلشي يمشي متل ما بدها امي انخطبت بس ما قدرت كون سعيدة في شي جواتي خانقني شي عم يقلي انتي ما لازم تنخطبي ...
بهاء : ليش القمر زعلان
شيرين : لا مو زعلانة .
بهاء : مو زعلانة طيب ليش عابسة
شيرين : وجعني راسي من صوت الاغاني .
بهاء : بتحبي اخدك لعند الدكتور هلأ ولا بس تخلص الحفلة
شيرين : مافي داعي لا هلأ ولا بعدين بس نام برتاح .
بهاء : شيرين .
شيرين : نعم .
بهاء : انتي احلى بنت بشوفها بحياتي .
شيرين : شكرا .
كان مبين عليي اني مڠصوبة على بهاء او مڠصوبة على فكرة الخطبة كلها بعد الحفلة رفضت اسهر مع بهاء و رحت على غرفتي لنام مسكت تلفوني ما قدرت امسح أي شي بخص ادم فيه طفيت التلفون و خبيتو بين تيابي و شلحت العقد يلي جبلي ياه ادم و خبيتو مع التلفون بصندوق و قفلت الصندوق لحتى ما ارجعلهن مرة تاني .
باليوم التاني اشتريت تلفون جديد و قررت بلش من جديد مع انو قلبي لسا مع ادم .
بهاء : شيرين .
شيرين : نعم .
بهاء : النا شهر مخطوبين .
شيرين : بعرف .
بهاء : شيرين انتي ما بتحبيني .
شيرين : ليش عم تحكي هيك
بهاء : لانك ولا مرة قلتيلي كلمة حلوة مع اني كل يوم بحكيكي بالساعات لحتى عبرلك عن حبي .
شيرين : بهاء انا ما بعرف عبر .
بهاء : طيب قوليلي بحبك .
شيرين : تأخر الوقت صار لازم ارجع عالبيت .
بهاء : شيرين انا مو رفيقك لتتهربي مني انا هلأ خطيبك و زوجك على ورق ما بصير تتعاملي معي بهي الطريقة اذا انتي ما بتحبيني احكي عادي ما بزعل .
شيرين : بهاء انا
بهاء : انتي شو
شيرين : بحبك .
حكيت هالكلمة و تنهدت بعدها و بلشت درب حالي على حب بهاء و اشغل حالي بأي شي كل ما خطړ ادم على بالي لانو مجرد التفكير بشخص تاني خېانة وانا ما بقبل كون
