رواية انتي دنيتي كامله
_ ماما انا اجيت .
ام سعيد : يعطيكي العافية حبيبتي .
شيرين : الله يعافيكي .
ام سعيد : بدلي تيابك لكون جهزت السفرة .
شيرين : تمام .
بلشت تجهيز سفرة الغدا رن تلفوني...
ام سعيد : الو .
ام بهاء : مرحبا .
ام سعيد : اهلا وسهلا مين معي
ام بهاء : انا ام بهاء امها للمرضة ريم يلي اخدت رقمك من 3 ايام .
ام سعيد : اي تذكرتها اهلا و سهلا .
ام بهاء : اذا بناسبك اليوم نجي نشرب قهوة عندك .
ام سعيد : اي اكيد بناسبني بتشرفو بأي وقت .
ام بهاء : معناها عالساعة 7 منكون عندك .
ام سعيد : اهلا وسهلا فيكن .
ام سعيد : ان شاء الله يكونو ولاد حلال .
شيرين : مع مين كنتي عم تحكي ماما
ام سعيد : وحدة اسمها ام بهاء بدها تجي تزورنا اليوم .
شيرين : مين هي ام بهاء و شو المناسبة لتزورنا .
ام سعيد : خطابة .
شيرين : خطابة ! اي تتهني فيها انا بدي روح لعند ليلى .
ام سعيد : شو هالحكي هاد انا امك و بدك تسمعي كلامي بترتبي حالك و بتستقبليهن معي شو مفكرة رح تضلي هيك طول عمرك عايشة على اطلال ادم خلص ادم ماټ و حياتك ما رح توقف عندو .
شيرين : وقفت عندو و خلصت انا ما بدي انخطب ولا اتزوج انا اخدت نصيبي من هالدنيا .
ام سعيد : هاد اسمو جنان انتي مو اول ولا اخر بنت بمۏت خطيبها بتجهزي حالك و بتنفذي كلامي يا اما رح احرمك من الطلعة برة البيت .
شيرين : احرميني ما بهمني المهم اني ما كون خاېنة .
ام سعيد : يا بنتي يا حبيبتي وين الخېانة بالموضوع ادم الله يرحمو هو مانو عايش و انتي عم تنخطبي لغيرو يا حبيبتي افهمي و وثقي فيني يمكن هالانسان يكون احسن من ادم و يعوضك عن كلشي مريتي فيه اسمعي مني صار جايكي كتير خطابين وما بتفوتي اعطي حالك فرصة اخيرة و بوعدك اذا ما كان منيح هالانسان ماعاد افتحلك سيرة الخطبة ابدا .
شيرين : وعد
ام سعيد : اي وعد يا عمري .
جهزت حالي بدون نفس كانت كل دقيقة عم تمر عليي عم اتذكر يوم يلي اجا ادم و اهلو و شافوني المشاهد هي هي عم تتكرر بس غير الاشخاص....وصلو الخطابين استقبلتهن امي وانا لحقتها جبت القهوة .
ام بهاء : ما شاء الله شو هالجمال هاد الله يحميكي و يجعلك من نصيب ابني .
ابتسمت ابتسامة كڈبية و انتقلت لضيف الباقي...
ام بهاء : تعالي بنتي لوين رايحة تعالي اقعدي جنبي بدي ملي عيوني بشوفتك .
عبست و تطلعت فيها ...
ام بهاء : شبك بنتي
ام سعيد : بنتي اقعدي جنب خالتك .
شيرين : حاضر .
ام بهاء : ما بس حلوة و مؤدبة كمان .
ام سعيد : تسلمي ام بهاء الله يخليلك بنتك هالوردة .
بلشو يحكو و انا ساكتة عم اتذكر التفاصيل يلي جمعتني باهل ادم اول مرة...
ام بهاء : مبينة العروس مستحية مع انك قلتي ام سعيد انها كانت مخطوبة ما بدها كل هالخجل .
شيرين : عن اذنكن .
ام بهاء : هههه بس البنت بتضل خجولة حتى لو كانت مخطوبة قبل هيك تشرفنا بمعرفتكن ام سعيد .
ام سعيد : النا الشرف ام بهاء .
ام بهاء : اذا ما عندك مانع بكرى نجي انا و ابني بهاء .
ام سعيد : خليها لبعد 3 ايام .
ام بهاء : ولا يهمك خلص بعد 3 ايام يلا السلام عليكم .
ام سعيد : وعليكم السلام شرفتونا .
دخلت امي لعندي عالغرفة كانو دموعي مغرقين وجهي...
ام سعيد : يا حبيبتي ليش عم تبكي
شيرين : ما ما حبيتهن .
ام سعيد : اكيد يا بنتي ما رح تحبيهن هلأ لسا ما تعرفتي عليهن منيح بعدين الام مبينة منيحة و شايفتك قمر و صارت بدها ترجع تجي بكرى هي و ابنها .
شيرين : شو قلتيلها .
ام سعيد : ما قبلت لنسأل عنهن قلتلها تفضلو بعد
