رواية انتي دنيتي كامله
بس الغصة يلي بقلبي ما راحت صار يجيني عرسان كتير و ارفض ما بعرف ليش شي جواتي ما قادر يتقبل فكرة حدا غير ادم يكون خطيبي او زوجي ...
شيرين : امي وينك انا رجعت .
ام سعيد : بسرعة بدنا نروح .
شيرين : لوين
ام سعيد : اختك ليلى عم تولد .
شيرين : الله يقومها بالسلامة .
ام سعيد : بدك تروحي بتياب الشغل
شيرين : اي امي المهم نوصل بسرعة .
وصلنا لعند اختي قعدنا انا و امي و عماد نستنى ليلى و ندعيلها بقينا 5 ساعات لحتى ولدت اختي و طالعوها ... وقفت بعيد عم اتأمل الولد كنت عم ابتسم ...
عماد : تعالي شيرين احمليه .
قربت و حملتو بين ايديي حسيت قلبي لاول مرة رجع يدق بعد ۏفاة ادم حسيت بالحياة و بالحب مافي احلى من الاطفال ...
شيرين : يربى بعزكن و دلالكن الله يحميه .
ليلى : الله يفرحنا فيكي و نشوف ولادك .
شيرين : امي انا بدي ارجع عالبيت بدك تبقي هون
ام سعيد : اي .
شيرين : رح نام ساعة و ارجعلك .
ام سعيد : الله معك بنتي .
ليلى : عماد شو قررت تسميه
عماد : نسميه وسام شو رأيك مرت عمي
ام سعيد : حلو اسم وسام .
ليلى : وسام يا ماما يا روحي انت .
عماد : تركيه ينام بسريرو .
ليلى : لا عماد خليني حاضنتو ينام بحضني انا امو .
ام سعيد : ههههه الله يحميكن .
رجعت عالبيت لاول مرة ببقى لحالي فتحت تلفوني و صرت اسمع المقاطع الصوتية يلي كان يبعتلي ياها ادم ما بنكر اني حفظتها من كتر ما سمعتها تمنيت لو ابعتلو رسالة هلأ و يرد عليي تمنيت لو اتصل فيه و اسمع صوتو عم يقلي الو حبيبتي بس هيك الدنيا مافي شي بيكمل مع الانسان مننا ما بيتزوجو يلي بحبوه و مننا بيتزوجو يلي بحبوه بس الله ما بيرزقهم بولد و مننا بيتزوجو يلي بحبوه و الله بيرزقهم بولد بس بيطلع هالولد عاق مافي حدا حياتو كاملة بس الحياة مستمرة ونحنا عايشين على هالأرض لهيك لازم نكمل و نتناسى لنعيش...غفيت وانا لسا عم اسمع التسجيلات الصوتية ...
وصلت عالمشفى واول ما دخلت عالغرفة حملت وسام و حضنتو صرت حبو كتير و صار سبب ضحكتي و سعادتي ...
ليلى : حاسستك انتي امو كيف عم تحضنيه .
شيرين : ليلى كتير حبيتو خليه يعيش عنا وانتي جيبي غيرو .
ليلى : بالله شو اي ما صدقت ايمتا شفتو .
عماد : حاج تتقاتلو فوق راسو .
ليلى : عماد قول لشيرين تعطيني ابني .
عماد : عطيها الولد .
شيرين : لا عماد بدي شوفو الك ساعتين معو هلأ دوري .
عماد : هلأ دورها .
ليلى : عماد دوري انا لانو بدي رضعو .
عماد : روحو عني انتي وياها انا رايح جيب اكل لسا دوري و دورها تقولو لعبة .
ام سعيد : جننتو الرجال شبكون لا دورك ولا دورها هلأ بدو ستو .
ليلى : ماما ما قال سعيد ايمتا جاي هو و مرتو وولادو
ام سعيد : لا والله يا بنتي ما قال شي لانو هلأ عندو ضغط شغل .
شيرين : شو بدو بالجية على هالبلد مشان يفوت عالمطار و ماعاد تنعرف وين اراضيه .
ام سعيد : بعيد الشړ عنو .
الممرضة : مرحبا مدام ليلى لازم تشربي كاسة الحليب .
شيرين : هاتي الكاسة حبيبتي انا بشربها الحليب لاختي .
الممرضة : تفضلي .
قربت من ليلى و صرت شربها الحليب .
الممرضة : انتي ام هالصبية
ام سعيد : اي .
الممرضة : معلش تعطيني رقمك
ام سعيد : خير
الممرضة : لو سمحتي بدي رقمك نحنا عم نخطب لاخي امي بتحكي معك بس اعطيني رقمك .
ام سعيد : تفضلي .
يتبع...
الجزءالرابعالخامس
عطيت رقمي للمرضة على امل انو يكون اخوها انسان منيح و بخاف الله ليعوض بنتي عن يلي مرت فيه و يرجعلها ضحكتها و سعادتها ... مضى 3 ايام و ما اتصلت ام الممرضة فقدت الامل و قلت يمكن هالشي خير لبنتي .
شيرين
