رواية فارس من الماضي من البارت 10-11-12-13-14-15-16-17 بقلم ايمان البساطي

عليا جيت ليها بسرعه وقص عليها معتز ما حدث.
بكت داليا قائله
طبعا أكيد رمزي هو السبب يا معتز هو اللي خطط لكل ده
تحدث معتز بهدوء
فكرت فى كدة لكن مش عايز اخد خطوه قبل ما اتأكد المهم دلوقتي انها بخير لازم اعرف ايه علاقة عمى ب راجل دا غير شغلنا عشان يعمل كدة
نهضت داليا پغضب وقالت
انا مش اسكت بنتي كانت هتتدمر بسببه وهو دلوقتي نايم فوق كأنه معملش اي حاجة.
أوقفها معتز قائلا برجاء
لو سمحتي اهدى مش عايزك تتسرعي في حاجة كلامك معاه هيدمر كل اللى عملناه في شهور اللي فاتت وطبعا مش عايزاك تكلمي رنيم فى اى حاجه كفاية اللي مرت بيه انهاردة .
جلست داليا بحزن وقالت
ماشي يامعتز هعمل اللي انت طلبته منى.
عند رنيم بالأعلى ابدلت ثيابها جلست على فراشها تبكى لا تصدق أنها نجت من هذا الوقح نهضت وتوضأت وتجهزت لصلاه ظلت تشكر ربها كثيرا على نجاتها شعرت بالراحه هدأ روعها قليلا وغفت مكانها على سجاده الصلاه.
دخلت داليا غرفه رمزى وجدته نائم كأنه لم يفعل شئ منذ قليل كيف له أن ينام بهذه الراحه تمنت لو تقتله الأن وتنهى هذا العڈاب استغفرت ربها حتى لا يتمكن الشيطان منها وتفعل ما ټندم عليه خرجت من الغرفه لم تتحمل أن تبقى معه فى غرفه واحده وتوجهت إلى غرفة إبنتها وجدتها غافيه مكان صلاتها أيقظتها داليا لكى ترتاح على فراشها ونامت داليا بجانبها على الفراش تحتضن ابنتها وتشكر ربها وظلت تدعى ان يحمى ابنتها من شړ رمزى وغفت هى الأخرى بجانب إبنتها.
بعد مرور أسبوع.....
كانت داليا جالسه تحاول اقناع رنيم بعدم الذهاب إلى الشركه مره أخرى ولكن رنيم رفضت بشده. 
تحدثت داليا
رنيم يا ابنتي أنا خاېفة عليكي ريحي قلبى و مش لازم تروحي الشركة انهاردة
قالت رنيم بضجر
يا ماما انا مش مصدقه لما وافق عمى على الشغل تيجي دلوقتي تمنعينى اني اروح الشركة عارفة انك قلقانة عليا لكن انا عايزة اروح عدا أسبوع على قعدتي فى البيت مليت بجد .
تحدثت داليا بإحباط
انا بجد تعبت من الكلام معاكي انا اسيبك لمعتز هو الوحيد اللي هيقنعك انتي عنيدة اوي
ضحكت رنيم وقبلت رأس أمها وقالت
متقلقيش يا ماما انا هكون كويسة
خرجت داليا وتوجت رنيم لكى ترتدى ثيابها انتهت من ارتداء ثيابها ونظرت إلى نفسها فى المراءة وقد تذكرت ماحدث الأسبوع الماضى ونظرات يوهان لها كم شعرت بالڠضب من ملابسها ولامت نفسها سعرت أنها كانت تستحق ما حدث لها لقد نصحتها أية كثيرا حتى معتز لكن لديه الحق فى حديثه كيف سينظر لها الرجال هى حاولت تغير ملابسها ولكن لم يكن هذا التغير كاف وقد عزمت على فعل ما خططت له طوال هذا الأسبوع.
فى الشركه كان معتز يجلس فى مكتب رمزى يتحدث پغضب
رمزي باشا لحد دلوقتي انا مش فاهم ليه مستمر في شغل مع راجل بعد اللي عمله مع بنت اخوك
قال رمز ببرود
دا بيزنس يا بنى انت لسة صغير متعرفش اني لازم نتغاضى عن بعض الأمور علشان شغلنا يمشي و رنيم كويسة يبقا ليه القلق ونعطل شغلنا.
ڠضب معتز من حديثه وقد تأكدت بعض الشكوك حول ان عمه من رتب كل هذا فقال معتز
تتغاضى عن بعض الأمور عشان دا بقا السبب انك قلت لرتيم اني رفضت اجى وانت حتي مسألنتيش
توتر رمزى ونسى ان رنيم ستخبره بذالك وقال بكذب مره أخرى
أنا مقولتش كدة الظاهر إن رنيم اللى حصلها مأثر عليها
حاول استغلال معتز توتر رمزى حتى يرغمه على اتمام خطوبته مع رنيم بأسرع وقت فقال
تمام يا رمزى باشا أنا مش هقدر استحمل اكتر من كدة ومش هنتظر وقت كتير عايز تجهز خطوبتنا بكرة
قال رمزى على مضض
تمام يا معتز اللي انت عاوزه
خرج معتز من مكتب رمزى وتوجه إلى مكتبه قبل ان يدخل مكتبه انتبة إلى مكتب رنيم المفتوح اقترب من مكتبها ودخل وجدا فتاه تجلس على مكتب رنيم تخفض وجهها تحدث بتعجب قائلا
انتى مين بتعملي ايه هنا
صدم عندما رفعت الفتاه وجهها وقال بزهول
رر..رنيم
ضحكت رنيم على ردة فعله وتحدث قائله
مالك انت مصډوم كدة ليه
اقترب منها معتز قائلا
انتي لبستي الحجاب امتا
قالت رنيم بإبتسامه
انهاردة يا معتز
ابتسم لها معتز بسعاده قائلا
الحجاب لايق عليكي يا حبيبتي
ابتسمت رنيم بخجل وقالت له
انا حسيت اني رجعت زي زمان يا معتز متغيرش اي حاجة الظاهر اللي حصل في الاسبوع اللي فات علمني درس عشان اخد القرار صح واعرف اخطائي اللي انا وقعت نفسي فيها من البداية
تحدث معتز بحنان وهو ينظر إلي وجهها الذى يزينها الحجاب بطريقه جميلة
أعتقد اللي عملتيه انهاردة هو أجمل حاجة حصلتلي في اليوم حجابك لايق عليكي اوي
ابتسمت له رنيم ثم قال لها
اتكلمت مع عمك من شوية هنعمل حفلة خطوبتنا بكرة .
قالت
رنيم بإندهاش
بكرة ليه السرعة دي ازاي اجهز نفسى لا لا وقت مش هيكفيني
تحدث معتز بمرح
اهدى يا رنيم كل اللي عليكي تلبسي خاتم خطوبتنا في صباعك بس.
تحدثت رنيم بغيظ
بجد بالبساطة دي يا معتز
ضحك معتز قائلا 
عايزة احكيلك عن موضوع كدة بس باليل هنخرج سوا واخدك علي المكان هيعجبك اوي وهتعرفي كل حاجة قبل خطوبتنا بكرة .
أثار رنيم فضولها وقالت
ايه هو يا معتز ارجوك قولي انا اتحمست
ضحك معتز وقال لها
لا مش هقولك هتعرفي انهاردة باليل
قلبت رنيم شفتيها ونظرت لها بغيظ ضحك معتز وتركها وظلت هى تفكر بفضول ماذا يريد أن يخبرها معتز إذا ولما الإصرار ان يكون قبل خطبتهم.....