رواية الحـب الذي يعـذب صاحبـه من الفصل الأوّل إلى الفصل التاسع بقلم ندى حبيب

خطيبتي يقولولي ابو كرش راح ابو كرش جيه
شيماء ضحكت بخفه وقالت طب روح بقا يا ابو كرش شوف العربيه اللي هتودي هدوم اختك شقة جوزها اتأخرت ليه
ايوب سابها وراح يرن علي الراجل اللي متفق معاه علي عربيته 
ايوب وهو نازل من سلالم بيتهم ايه يا دبور المرسيدس بتاعتك اتأخرت علينا ليه يحبيب اخوك
دبور رد بلهجة سواقين المكروباص المرسيدس تحت بيتكم اريس مغسوله ومتروق عليها
ايوب نزل الشارع وكان فعلا قدامه عربيه نص نقل راكبها شاب يدعي دبور قاعد مكان السواق في ايده سچاره ومشغل اغاني سرسجيه 

رحمة واقفه في مطبخ شقتها بتغسل مواعين الفطار وحطه earbuds بتاعت احمد في ودنها ومشغله اغاني فيها ومندمجه معاها 
احمد في اوضة النوم بيلبس علشان شغله لبس بنطالون جينز وتيشيرت ابيض وبيلبس الحزام وبيدور علي سماعمته لكن مش لاقيها 
احمد بصوت عالي نسبيا رحمه رحمه استغرب عدم ردها مبتردش ليه دي وراح علي المطبخ يشوفها كانت رحمه مندمجه مع الاغنيه وشعرها كحكه فوق راسها ورقابتها باينه وشكلها يخطف 
احمد ابتسم وسند كتفه علي باب المطبخ وبصلها بتركيز ونسي هو كان جاي ليه اصلا رحمه بتلف علشان تحط الصواني مكانها اتفاجأت بيه ف شهقت بخضه 
رحمه وهي حاطه ايدها علي قلبها اخص عليك يا احمد وقفت قلبي من الخضه واقف تبصلي كدا ليه 
احمد بإعجاب واضح معجب مش مصدق انك واقفه في بيتي بصراحه كنا الاول علشان نشوف بعض بنعمل المستحيل دلوقتي بثابلك في الصاله او المطبخ
رحمه ابتسمت وقربت منه حاوطت رقابته بدلع مش مصدق ليه طيب 
احمد حاوط وسطها وباس خدها وقال بحب لما اكبر احلامك تتحقق صعب تصدقي بسرعه وانتي مش بس كنتي حلم يا رحمه انتي كنتي ومازالتي اهم انجاز عملته في حياتي
رحمه ابتسمت علي كلامه وحاوطت وشه كنت دايما بقول هي البنت اللي بتتفشخر انها اتجوزت دي بتتفشخر علي ايه يعني ايه الحلو في انها دخلت قيود شخص مثلا النهارده عرفت
احمد بمراوغه وهو مركز في ملامحها عرفتي ايه بقا
رحمه ايديها ماشيه علي دقنه برومانسيه عرفت ان بيكون عندها جوز حنين فاهمها بيحبها محسسها انا اولي اولوياته مشجعها دايما في ضهرها علاقتهم متأثرتش بأي خڼاقه ولا بأي زعل من يوم ما عرفو بعض ف لازم تتفشخر يا احمد زي ما انا بتفشخر بيك
احمد بص علي ودنها وابتسم اوي وقال فكرتيني بقا انا قالب الدنيا علي سماعتي وهي معاكي يا ست رحمه 
رحمه بضحكه خفيفه كنت بسمع اغاني عليها بسلي وقتي وانا بغسل المواعين
احمد اخد فردة سماعه منها وحطها في ودنه كنتي بتسمعي ايه بقا وريني اشتغلت الاغنيه 
رحمه وهي بتقول مع الاغنيه يا حبيبي ياريت ابقي حبيبك واكون من بختك ونصيبك بتفكرك بإيه الاغنيه دي
احمد ضحك علي الذكره وقال اول يوم شوفتك فيه في المستشفي كنتي مشغلاها في اوضة الاستراحه وانا واقف متصنم قدامك علي الباب بقول يارب تبقي نصيبي فعلا
رحمه خبطته في كتفه يا كداب قولت يارب ابقي من نصيبك ولا قولتلي انتي في فرح يا استاذه ولا ايه
احمد ضحك اوي وقال ما انا كان لازم اقول كدا علشان مبانش ان وقعت في حبك من الدور الخمسين من اول نظره المهم يا هوما هتنزلي معايا تحت ولا حابه تفضلي هنا 
رحمه ابتسمت لاء استني هنزل معاك اشوف ماما و آيه هلبس بس في ثواني
احمد ماشي يحبيبي بس متتأخريش بالله عليكي علشان متأخر اصلا
رحمه طلعتله وهي بتلبس اسدالها فوق بجامتها جيت اهو بس محتاجه منك طلبلت للبيت وانت جاي
احمد وهو بيلبس الكوتش عيوني يا قمر عايزه ايه 
رحمه بتفكير عايزه شيبسي شطه ولمون وعايزه ازازة بيبسي سيڤن كبيره 
احمد بمقاطعه انتي قولتي للبيت ولا انا سمعت غلط 
رحمه بصتله بتبرير حبيبي انا والبيت واحد دلعني ادلعك علطول افهمها بقاا
احمد ضحك وشد ايدها ونزلو علي السلم سوا لاء مدام فيها دلع عايزه ايه بعد الشيبسي والسيڤن وقال بهمس بس ايه اجي بليل عايز اتفاجئ برقاصه في اوضتي
رحمه خبطته في كتفه وقالت وهي بتضغط علي سنانها اتلم يا احمد
احمد بهمس الكلمه دي هتلازمني كتير 
يسرا بصتلهم وهما داخلين عليها وابتسمت وانا بقول الريحه الحلوه دي جايا منين اتاري العرسان نازلين
رحمه سلمت عليها وقعدت جنبها حبيبتي يا ماما منحرمش من كلامك القمر دا امال فين آيه مش شيفاها قاعده معاكي
يسرا كانت قاعده معايا ولسه يدوب داخله اوضتها كنا ماسكين في بعض بسبب موضوع الكليه
رحمه اتنهدت بقوه تاني برضو عايزه تقدم مفيش فايده
يسرا بغلب والنبي يا اختي لو ادنتي في ودنها اللي في دماغها هتعمله هي خلصت الدبلوم تقعد بقاا
احمد وهو بيتابع كلام امه سبيها يما متزعليهاش بالكلام وانا هبقي اتكلم معاها لما ارجع بليل وقام وقف همشي انا علشان متأخر يلا سلام
رحمه وهي متابعه خروجه في رعاية الله وحفظه يحبيبي
يسرا بنكش خلاص يا رحمه اختفي من علي الباب بصيلي هنا بقاا
رحمه اتحرجت وبصت لحماتها معاكي اهوو انا كنت بس مركزه في الباب مش في حاجه يعني
يسرا ضحكت وقالت بهدوء هعمل نفسي عاميه مش واخده بالي من النظره ادخلي كدا اتكلمي مع آيه حاولي تليني دماغها من موضوع الكليه دي قوليلها كلية ايه وبتاع ايه ما انا اخدت تمريض والاخر اتجوزت وجوزي قعدني في البيت والكلام
رحمه قامت وقفت وبصتلها خلاص متقلقيش انتي هكلمها انا وهحاول اقنعها وفعلا خبطت علي اوضة آيه ودخلتلها 

بعد اذان العشاء قعد يحيي بإحراج شديد جنب الشيخ علي 
يحيي مد ايده بالسلام حرما ان شاء الله يا شيخنا
الشيخ علي سلم عليه بهدوء جمعا ان شاء الله يا يحيي
يحيي بهدوء لو عرضك لسه موجود يا شيخ انا حابب اقابل انسه روقيه نقعد مع بعض هي تشوفني وانا اشوفها رؤيه شرعيه بمعني اصح
الشيخ علي ابتسم اوي وقال استعنا بالله تنورنا في الوقت اللي يناسبك يا يحيي
يحيي الوقت اللي يناسبك انت يا شيخ اديني معاد وانا هكون موجود فيه ان شاء الله بس ليا طلب وحيد
الشيخ علي بصله بستفسار طلب ايه لو في ايدي مش هتأخر والله
يحيي بهدوء لو الانسه رقيه مش موافقه عليا بالله عليك ما تضغط عليها علشان الجواز دا حريه شخصيه وخصوصا انا كنت متجوز قبل كدا وهي ابسط حقوقها زي ما قولتلك قبل كدا شاب تكون اول بخته
الشيخ علي ابتسم وانت تفتكر عمك الشيخ علي يغصب واحده من بناته علي حد يا يحيي انا عايزك مطمن وبكرا بعد صلاة العشاء تنورنا يحبيبي
انتهي كلام الشيخ علي مع يحيي علي كدا وكل واحد قام روح علي بيته يحيي قلقان من الخطوه دي ومحتار ومبقاش عارف يعمل ايه ف قرر يستخير ربنا فيها 

في شقة الاستاذ منصور الشيخ جرس البيت عمال يرن ونهله بتصلي العشاء وبتحاول تعلي صوتها علشان رقيه تسمع وتروح تفتح الباب 
رقيه طلعت من اوضتها لما الجرس ضړب كتير وفتحت الباب السلام عليكم يا شيخناا تعالي اتفضل يا جدي ادخل وباست ايده 
الشيخ علي دخل الشقه ببتسامه الله يرضي عنك يا ست البنات امال نهله فين 
رقيه بتصلي العشااء اعملك شاي ولا فنجان قهوه 
الشيخ علي مسك ايدها انا متعشي وشارب الشاي اقعدي عايزك في موضوع
رقيه استغربت وقعدت جنبه بهدوء جت نهله عليهم وسلمت علي الشيخ علي وقعدت جنبهم 
نهله بصت ل رقيه قومي يا رقيه طلعي كيس مانجا من التلاجه اعملي عصير علشان جدك
الشيخ علي برفض ياستي الله يصلح حالك شارب والله والحمدالله انا جايب ل رقيه عريس ميترفضش 
رقيه سمعت الكلمه وحست ان جسمها اترعش پخوف عريس ازاي يعني ممكن تتجوز حد غير يحيي مجرد الفكره خنقتها 
رقيه بصت ل جدها بضيق وقالت لاء يا جدي انا مش عايزه اتجوز دلوقتي ارفضه علشان خاطري ودموعها لمعت في عيونها 
نهله بستفسار مين العريس دا يا شيخ 
الشيخ علي ابتسم بخفه وقال يحيي بن رضوان الشيخ
انتظرو القادم 
الحب الذي يعذب صاحبه 
البارت الثالث 
الكاتبه ندي حبيب 
رقيه سمعت اسمه وتخيلت انها بتتخيل فضلت ساكته من الصدمه تستني باقي كلام الشيخ علي 
نهله بهدوء ماشي يا شيخ علي يحيي ابن ناس ومحترم والكل يشهدله بكدا بس يعني كان متجوز قبل كدا وانت فاهم يعني
الشيخ علي بستغراب وايه المشكله لما كان متجوز قبل كدا يا نهله الراجل محلله اربعه بيكون متجوز وبيتجوز تاني وتالت ورابع علي مراته اللي في بيته مكنتش عارف ان شرع ربنا يعيب حد
نهله بهدوء استغفر الله يا شيخ انا عن نفسي شايفه يحيي عريس ميترفضش ورقيه عندك برضو رأيها قبلنا كلنا
الشيخ علي ابتسم علي كلام نهله وبص ل رقيه اللي مش مصدقه كل اللي بيتقال قدامها ايه يا روقيه مش سامع صوتك يعني وقال بخبث ولا لسه عند قرارك ارفضه
رقيه بسرعه لاء اوعي ترفضه الشيخ علي ونهله بصولها بدهشه ف حاولت تبرر يعني اقصد مش عايزه اصغرك انت اكيد اديته كلمه ومينفعش ترجع فيها
الشيخ علي حاول يلعب علي اعصابها شويه هديله كلمه من غير اخد رأيك ازاي يا رقيه افرضنا مش عاجبك
رقيه ملقتش كلام تقوله ف قالت بهدوء خلاص اللي تشوفه يا جدي وتقول عليه وانا مش هنزل كلمتك الارض الارض ابدا
نهله بحيره يعني ايه برضوو نجيب الراجل يقعد معاكي رؤيه شرعيه ولا لاء 
رقيه بعدم تصديق يحيي هيقعد معايا انا رؤيه شرعيه
الشيخ علي ببتسامه اكيد لازم تشوفيه ويشوفك وتتكلمو مع بعض قبل اي خطوه رسميه بينكم ان ارتاحتو خير مارتحتوش برضو خير دلوقتي قوليلي ابلغه بالموافقه 
رقيه اتكسفت ترد قدام جدها ف اكتفت انها هزت راسها بهدوء وخجل 
الشيخ علي ببتسامه طيب بحيث كدا هو هيجي بكرا بعد صلاة العشاء علشان تعملو حسابكم وقام وقف يلا هنزل انا انام تصبحو علي خير
الشيخ علي نزل تحت علي بيته اللي كان الدور الاول من البيت ورقيه لسه قاعده جنب امها مش مصدقه كل اللي بيحصل دا وحسه انها في حلم 
نهله بصت علي بنتها پغضب اشمعنا يحيي اللي وافقتي عليه يا رقيه ما كل يوم بيجي عريس وتقعدي ټعيطي لحد ما نرفضه ايه اللي جد
رقيه بصت لأمها بستغراب انتي رافضه يحيي ولا ايه 
نهله بنرفزه اه رفضاه راجل عنده ٣٢ سنه ومطلق