رواية المصير كامله

اية
قرب مني أمير وفضل واقف أدامي وقالى
أنا مش بشړ أنا مش إنسان أصلا يا يحيي 
أول مره أشوف أمير بالمنظر ده كان مبرقلى جامد وملامح وشه ثابتة وكأنه متجمد.....
فضل باصصلى وساكت وأنا باصصله وساكت وكل ثانية بتعدي عليا في الموقف ده كانت بتزود خۏفي أكتر......
حاولت أتمالك نفسى وسألته
يعني إيه مش إنسان
قرب منى خطوة كمان وبقى وشه أدام وشي بالضبط كنت حاسس بالنفس اللي خارج من بقه على وشي وقالي
يعني أنا مش إنسان شبهك انت لحم ودم لكن أنا ڼار
كنت بحاول أبين إني مش خاېف لأنى كنت فاكر أمير بيعمل معايا كده عشان عرف انى كنت هقتله......
قلتله ڼار إزاي يعني
انت جن
رفع رأسه فوق بس عينيه كانت مركزة في عينيا وقالى بكل هدوء. شيطان 
رجعت خطوة لورا وقلتله أمير انت لو بتعمل كده عشان عرفت انى جاي أقتلك فلازم تعرف إن أنا معملتش كده ولا كنت هفكر اني أعمل كده الا بعد ما شفتك وانت بتقتل حورية.......
ضحك أمير وملامح وشه اتغيرت 180 درجة وسابني وراح قعد......
وبعد ما خلص ضحك قالي يعني انت عايز ټقتلنى عشان أنا قټلت حورية
يعني المفروض أنا كمان أقتلك عشان أنت قټلت نغم وابنها اللي أنت عارف ومتأكد انه إبن خالد 
ولا أقلتلك عشان أنت جاي ټقتل صاحبك اللي واثق فيك.......
دير وشه وقالي الإنسان ده غريب جدا يا يحيى دايما بيلاقي مبرر للغلط اللي بيغلطه.....
محدش بيشوف نفسه وحش ولو سألت أي حد مين أطيب واحد في الدنيا هيقولك أنا ولو قلتله بس انت بتغلط كتير هتلاقي عنده مبرر لكل حاجة بيعملها......
يعني انت مثلا رفضت بشدة فكرة انى أقتل حورية وابنها وفي نفس الوقت كنت السبب فى قتل نغم و ابنها وقټلت أحمد كمان.....
بس انت أكيد كان عندك مبررات
ولما سبت رنا عشان شايفها وحشة ورحت خطبت رزان اللى انت شايفها وحشة برضو بس انا لوسألتك أكيد هتقولى مبرر أقنعت نفسك بيه ساعتها ومش بعيد تقنعنى أنا كمان زي ما انت عايز تقنعني أنك جاي تقتلني عشان أنت طيب وأنا وحش.......
دير وشه تانى وبصلى بنظرة حادة وقالي انتوا ليه بتخافوا تواجهوا 
وفضل باصصلى وساكت 
اتحركت بإتجاهه وقعدت على الكرسي اللي أدامه وسألته انت عرفت المعلومات دي كلها منين
انت شغال مع مالك
ابتسم وقالي أنا شغال معاه ومش معاه.......
فضلت باصصله وساكت مستنيه يوضح .......
قالي إحنا في طريق ومالك واللي شبه في طريق تاني بس الطريقين بيوصلوا مكان واحد وهدف واحد.......
سكت شوية بحاول أفهم كلامه وبحاول استوعب الطريقة الغربية
اللي أمير بقى فيها.........
هو هو نفس الشكل بس حاسه شخض تاني......
سألته وانت شغال مع مالك من امتى من قبل ما تعرفني ولا واحنا صحاب
ضحك وقالي مالك هو اللي اشتغل معانا أنا شغال من قبل مالك ما يتولد أصلا ب 300 سنة.....
تعمدت انى ابتسم وقلتله 300 سنة!!!
ابتسم هو كمان وقرب مش مني وقالي انت لسه بتضحك على نفسك ومعتبرني أمير صاحبك قلتلك يا يحيى أنا شيطان مفيش حاجة أسمها أمير ولا في حورية احنا الاثنين شياطين........
فضلت ساكت وباصصله مستنيه يجيب أخره وهو كمان باصصلى وساكت مستني ردي.....
قلتله يعني انت شيطان وأمك كمان شيطانة 
هى فين اصلا 
فضل باصصلى وفي ثانية لقيت وشه وجسمه بيتحولوا لشكل أمه بالضبط !!!
هى اللى كنت قاعده أدامي مش هو وقالتلى
انت هتتغدى معانا النهاردة بقى عشان يمكن تكون دي أخر مرة أشوفك فيها
قمت من مكاني بسرعة وجريت ناحية باب الاوضة وفضلت واقف على الباب براقبها بحذر.......
فضلت بصالى وقالتلي أقعد يا يحيى....
فضلت براقبها پخوف......
اتحولت لأمير تاني وقالي أقعد يا يحيى ما تخافش مني انت عايش معايا بقالك 4 سنين بنأكل ونشرب مع بعض وكل يوم لازم نتقابل ونتكلم ولينا ذكريات كمان......
أقعد عشان دي أخر مره هتشوفني فيها......
أمير كان بيتكلم بطريقته الطبيعية اللي متعود عليها كنت حاسه أمير صاحبي فضل باصصلى بنظرة ترقب مستنينى أقعد عشان نكمل كلامنا.......
سألته وأنا لسه واقف بعيد قلتله
ازاي وليه 
قام وقف ومشى بإتجاهى بس أنا فضلت واقف متحركش....
وقف أدامي وقالي إزاي فده عادي جدا انى أظهرلك بصورة بشړ وانت شفت بعينك من شوية اما ليه فده عشان مالك اختارك عشان تمسك مكانه والمكان بتاع مالك بالذات أهم من أي مكان تاني على الأرض....
مكان مالك ومكانك انت من بعده هو أرض الزيتون أرض النبوة الأرض اللي هيعيش عليها.......
فضلت باصصله بتركيز وسألته مين ده
ركز في عينيا وقالي
رجل صالح وملك ونبي وإله 
معاه جنة ومعاه ڼار مش هتحتاج مجهود عشان تدخل جنته يكفي بس أنك تؤمن بيه.....
قلتله مين ده 
قالى انت ذاكى يا يحيى وفاهم مالك لما رشحك أنا أخذت أمر انى أعيش معاك وأكون قريب منك لانه قرار انك تدخل معانا الكيان مكنش فى ايد مالك بس كان لازم أنا كمان أوافق عشان كده ظهرتلك فى صورة أمير.......
في الأول كنت مكنتش موافق عليك انت آه تفكيرك كان بيعجبني بس ما كنش تنفع تمسك مكان مهمم زي ده لانك كنت ضعيف انا كنت بشوفك دايما مهزوز وبتيجي تحكيلى كل حاجة بس لما بدأت تخبي عليا ولما شفتك وانت بتخطط وتنفذ لقتل نغم بدأت أحس أنك تنفع......
ولما تابعتك وانت بتقتل أحمد علي مدار 3 شهور ساعتها اتاكدت إنك انت المناسب للمكان ده بعد مالك .....
أنا كنت بتعلم منك يا يحيي......
أنت عملت اللي أنا عملته وظهرت في حياة أحمد علي أنك صاحبه وأقرب حد بالنسباله.....
بس انت قدرت تعمل اللي أنا مش عارف كنت هقدر أعمله ولا لأ ركز في عينيا وقالى انت قدرت تخليه ېموت نفسه انت خليته ينتحر من غير ما يشوفك ولا يعرف اسمك حتى.......
إحنا كلنا اخترناك يا يحيي ومن أول ما مالك اداك التليفون وعرفك هتعمل ايه واحنا كلنا بنتابعك وبنراقبك ولما كله وافق عليك ما تبقاش غير اختبار أخير هو انك ټقتلنى وحتى ده نجحت فيه....
مبروك يا يحيى انت بقيت واحد فى أعظم كيان موجود على الأرض....
أنا فضلت ساكت ومش قادر استوعب إن اللي أدامي شيطان وأنا مصاحبه بقالى 4 سنين.......
قالي خلاص يا يحيي دي أخر مرة هشوفك فيها ولو حد من الجيران ولا في الشارع سألك عليا ابقى قوله اني عزلت وكده كده محدش هيسألك أصلا لأني مكنتش مصاحب حد غيرك هتوحشني يا يحيى.....
قرب منه وحضني.....
حسيت ان جسمى أشعر وحسيت بسخونية راحت أول ما أمير اختفى.......
بصيت في الشقة ملقتش حد لفيت الشقة كلها كنت بتمنى ان كل ده يطلع حلم ولا بيتهيألي بس مفيش حد لدرجة انى اتصلت بأمير بس لقيت الرقم مرفوع من الخدمة.......
خذت بعضي وطلعت علي البيت وسألت رامي انت امتى أخر مرة شفت أمير
قالي من يومين كنت معدي على القهوة وسلمت عليه قلتله تمام...
قالي بتسأل ليه
قلتله أصل مختفي وتليفونه مقفول على بالليل كده هبقى اشوفه فين.....
خلصت كلام مع رامى وطلعت على مالك.....
أنا سألت رامى عشان اتأكد انك امير موجود أصلا وانه