رواية المصير كامله

مكنش في خيالي أنا بس.....
وصلت الفندق وطلعت لمالك كان الباب مفتوح.....
دخلت لقيت مالك أدامي قالى أنا كنت مستنيك اقعد.....
قلتله أنا جاى عشان أعرف حاجة واحدة بس
أمير فعلا شيطان ولا انا اللي اټجننت
بصلي وقالي لأ يا يحيى انت مااتجننتش....
سألته بعصبية انتوا مين
رد عليا بكل هدوء إحنا كل حاجة يا يحيى إحنا بشړ وجن وشياطين إحنا برامج ومواقع وأجهزة إحنا كيان كبير ومش هقولك أكبر مما تتخيل لانى عارف ان خيالك بدأ يوصل للحقيقة وبدأت تفهم وتشوف الصورة كاملة احنا ملوك يا يحيى وانت معانا هتبقى ملك.....
رديت عليه من غير تفكير قلتله وأنا مش عايز أبقى معاكوا.......
ابتسم وقالى أنا عارف ان صدمة أمير مأثرة عليك أنا كنت شبهك كده لما قررت انى أقتل خطيبتي الخاېنة واكتشفت في الأخر انها مجرد شيطانة زيها زي أمير. أنا خفت زيك في الأول بس بعد كده فهمت......فهمت ان لو في تمن لكل اللي أنا هوصله فالتمن ده خلاص اتدفع والمفروض أخذ المقابل في انى أعيش الحياة اللي أنا عايزها.......
خلاص يا يحيي خلصت مش ناقص بس غير انك تأخذ حقك وتعيش بالطريقة اللي انت عايزها.......
قلتله ما عشان أعيش بالطريقة اللي أنا عايزها يبقى لازم أعيش بعيد عنكوا..........
قرب مني وقالي
انت حتى لو بعيد عننا فاحنا أكيد مش بعيد عنك 
عايز تروح فين يا يحيي انت لو هربت مننا هتبقى بتهرب لينا.....
نبرة صوته اتغيرت وقالي خليك معايا يا يحيى أنا محتاجك ومحدش هيتكلم معك ولا هيطلب منك أي حاجة غيري انا مش هتعامل مع أي حد غيري وانت عارف ان بعتبرك صاحبي......
قلتله وأنا مش عايز نبقى صحاب ولا عايز أشتغل وأفتكر انك قلتلي قبل كده اني عندي مطلق الحرية فى انى أختار وانا اخترت.....
بصلى بنظرة حادة ولهجته اتغيرت وقالى ماشى يا يحيي أنا موافق بس طالما هتختار يبقى لازم تعرف ايه هي الاختيارات المتاحة ليك.....
الإختيار الأول هو انك تعيش ملك بيحكم في إيدك سلطة وفلوس وكل حاجة هتتحلم بيها هتقدر تعملها.......
سابني وراح قعد على الكرسى وۏلع سېجارة وبعد ما نفخ الدخان بإتجاهي قالي الاختيار التاني هو إنك تتخلي عن كل حاجة امتلكتها بسببنا يعني هتسيب الشغل في الشركة وهتلغى خطوبتك مع رزان وهنأخد منك كل حاجة حتى العربية وهترجع موظف كحيان زي ما كنت قلب ما أعرفك وما تخافش هنجيبلك وظيفة شبه اللي انت كنت فيها.........
وخالد هتروح تقوله أنك السبب في مۏت نغم وانك انت اللي كنت بتبعت الرسايل وأنك كنت عارف إن الولد ابنه وكدبت عليه.....
قلتله لأ أنا مش هقول لخالد كده....
قالى عادي يا سيدي إحنا نبقى نقوله وبالمرة نقوله إنها تابت وانت اللى رجعتها تاني وخليتها ټخونه......
ها... تقوله انت ولا نقوله احنا كل حاجة
طفى السېجارة وقام وقف أدامى وقالى
لازم تختار يا يحيى ما بين كل حاجة أو ولا حاجة .....
مكنتش قادر أفكر عشان أختار كل اللي كان في دماغي أمير وإن أقرب حد ليا ال 4 سنين اللى فاتوا كان شيطان......
ولو وافقت على الشغل معاه هعيش عمري كله فى خدمة شيطان......
قلتله من غير تفكير كتير أنا أخترت ولا حاجة .....
فضل باصصلى وساكت وقالى انا عارف ان صدمة أمير مأثرة على قرارك وهي اللي مخلياك كده انا هسيبك أسبوع تفكر براحتك وهسمع منك الرد ولو فعلا مش عايز تكمل معانا احنا مش هنجبرك على حاجة لازم اللى هيبقى معانا هو اللي يختارنا روح ريح يايحيي ونام ولما تصحى فكر براحتك......
سبته وخرجت وقبل ما أخرج من الباب لفيت وبصتله وسألته
هو انت متأكد ان مراتك اللى انت متجوزها دلوقتى إنسانة مش شيطانة زى خطيبتك الاولانية
بصلى بإستغراب شديد وفضل ساكت ......
قلتله انت كنت قايلى انى معاك هبقى ملك...
طب إزاي هتخليني ملك وأنا بأخد أوامر من حد ومش عارف هو مين أساسا أو عارف ودى مصېبة أكبر
انت قلتلي قبل كده برضو انى شبهك وأنا دلوقتي شايفك عبد مش ملك ومش عايز أبقى شبهك.....
أنا عايز أعيش حر زي ما كنت عايش قبل مااعرفك.......
كانت أول مرة أشوف مالك مكشر كده وباين على وشه الانفعال رد عليا بكلمة واحدة
أسبوع و تقولى قرارك 
سبته وخرجت روحت البيت وطول الطريق مفيش أي حاجة في دماغي غير جملة أمير لما قالي
انا كنت بتعلم منك!
حسيت برهبة شديدة.....
لما شيطان يقولى انه بيتعلم مني أبقى أنا ايه!
أنا ازاى كنت كده
وازاى عملت اللى عملت ده
وصلت البيت ودخلت على أوضتي ومش قادر أفكر في أي حاجة بعد موضوع أمير ده.....
عقلي لسه مش قادر يستوعبه
وبعدين انا لما كنت بحب أفكر مع حد كنت بكلم أمير....
دلوقتى أكلم مين وأقولة ايه
فكرت اني أكلم خالد وبعدين فكرت أنا هعمل ايه أصلا مع خالد
هقوله إزاي انى السبب في قتل نغم
أنا لازم افكر بهدوء.....
قضيت الأسبوع كله اوضتى مكنتش بكلم حد.....
الحاج اتصل بيا كتير ورزان جاتلى عشان تطمن عليا بس أنا فضلت قاعد ساكت أغلب الوقت وقلتلها إني تعبان شوية وهرتاح يومين في البيت وعايز أكون لوحدي.......
أمي وأختي ورامي حاولوا أكتر من مرة يعرفوا ليه قعدت من الشغل وقافل على نفسي.....
عدى عليا أصعب أسبوع في حياتي كلها الاختيار كان صعب جدا و أصعب حاجة فيه هي ان خالد لازم يعرف اللي أنا عملته يعرف انى كنت السبب فى ټدمير حياته......
اتصلت بمالك وقلتله انى خلاص قررت...
قالى طب تعالى على الفندق انا مستنيك......
وصلتله واول ماشفته وقف أدامي وبص فى عينيا وكأنه كان شايف في عيني أنا هقوله ايه قبل ما أقوله.....
فضل باصصلى وساكت مستنينى أتكلم قلتله
أنا مش عايز ابقى معاك 
ما اتكلميش معايا المرة دى ولا حاول يقنعنى كل اللي قاله يبقى هتعمل اللي اتفقنا عليه
رميت مفتاح العربية على المكتب وقلتله الفلوس كلها في الشركة أنا مش عايزاها....
بصلى بتركيز أكتر قالى وهتقول لخالد النهاردة......
هزيت رأسى بالموافقة......
قالى هتبقى هتروح تشتغل محاسب في شركة شريف أبو النجا بمرتب يخليك تعيش زى ماكنت عايش قبل كده....
مبروك يا يحيى بقيت ملك زي ما كنت عايز.....
بصتله وأنا مش مصدق انه هيسيبني أمشي بالساهل كده.....
سألته انت مش خاېف اني أتكلم وأقول اللي انا عرفته
ابتسم وقالي أنا مش هقولك أنى عارف إنك مش هتتكلم أنا هقولك ان انت عارف انك مش هتتكلم......
قلتله يعني انت مش مخطط لمۏتي انا مش خاېف من المۏت على فكرة بس أنا عايز أعرف......
ضحك وقالي شفت حتى المۏت مش فارق معاك على أد ما فارق معك الفضول عايز تعرف.....
ماتخافش يا يحيى احنا مش هنقتلك احنا هنسيبك تعيش مېت ده لو عرفت تعيش بعد كده .....
اللي بېقتل حد بيبقى خاېف منه أو ضعيف وانت عارف احنا مبنخافش ولا ضعفاء .......
قرب منى شويه وقالى
انت قبل ما تفكر إحنا هنعرف...
وقبل ما تقرر إحنا هنصرف
بص ناحية الشباك وقالى مع السلامة يا يحيى .......
خرجت وطلعت على خالد ومش عارف ايه الكلام اللى ممكن اقولهوله ومش عارف أنا ليه أصلا اختارت الاختيار ده 
يمكن بسبب