رواية المصير كامله

إن كلامي هيطلع صح يمكن الشعور ده اتكون جوايا بسبب الثقة اللى بيتكلم بيها او بسبب التوقيت اللى بيكلمنى فيه كل مره بس هو راح فين
ومين اللي ھيموت
فضلت قاعد بفكر لحد ما النهار طلع لبست هدومى ورحت على الشغل مكنتش شايف قدامي انا مش متعود انى أطبق..........
وصلت المكتب لقيت خالد وأحمد بس اللي في المكتب سألت خالد على رنا ونغم قالى رنا وصلت وبتودى قيود المصروفات لأستاذ سامح ونغم مش هتيجي النهاردة عشان تعبانة شوية سالته عندها ايه
قالي قامت مكسلة وقالتلي انها مش هتقدر تيجي النهاردة عشان عايزة تريح .....
قلتله يعنى هى في البيت دلوقتى قالي آه.
قعدت ولعت سېجارة وفتحت التليفون مستني يبعتلى رسالة ويقولى ان نغم بتخون جوزها دلوقتي فى بيتها او يقولى خرجت راحت لعشيقها عشان أروح واتأكد بنفسى.......
فى الحقيقة انا ماكنش فارق معايا دلوقتى ان نغم بتخون جوزها ولا لأ انا كنت عايز اتأكد عشان لو فعلا بټخونه يبقى كلامه صح وفي حد قريب مني ھيموت ولا طلع بېكذب يبقى أريح دماغي من التفكير ده......
فضلت قاعد مستنى رسالة بس محدش بعتلى حاجة وانا مش هفضل قاعد كده انا لازم اتأكد بنفسي....
قلت لخالد انا هنزل ساعة واجى عشان افتكرت مشوار مهم مع أمير صاحبى ولازم أروحه قالى طب وأستاذ سامح
قلتله قوله انى لسه مجتش اصلا...
نزلت بسرعة طلعت على بيت خالد و رنيت الجرس نغم فتحتلى وكانت مستغربة لما شفتني....
سألتني خير يا يحيى خالد حصله حاجة
قلتلها لأ خالد ما يعرفش انى جاي أصلا......
استغربت أكتر وقالتلي وانت جاي ليه
دخلت وقفلت الباب وقلتلها وانتي قلقانة ليه كده
هو في حد معاكى جوا
اتوترت وقالتلى حد مين!
زقتها بيدي وقلتلها هنعرف دلوقتى...
دخلت اوضة النوم وهي بتجري ورايا وبتقولي انت اټجننت
ايه اللي انت بتعمله ده!!
دورت في اوضة النوم وفي المطبخ والحمام وفى كل الشقة وهي ماشية ورايا بتزعقلي .....
وقفت قدامها وقلتلها هو لسه ما جاش 
ولا انتى اللى هتروحيله النهاردة كمان
كانت مخضۏضة
مكنتش عارف هي مخضۏضة من كلامي ولا من افعالى
قالتلي بعصبية انت اكيد اټجننت انت جبت الكلام ده منين
قعدت وولعت سېجارة وقلتلها انتى امبارح مكنتش عند صاحبتك انت كنتى عند عشيقك واتصلتى بخالد عشان تطمنى ان هو معانا وأنا عارف مين هو عشيقك.....
لقيتها قعدت قدامي وفضلت مبرقالي وساكتة...
قلتلها نغم أنا مش فارق معايا اذا كنتى خاېنة ولا لأ دي حياتك وانتى حرة فيها بس انا عايز اتأكد لأن اللي قالى انك خاېنة قالي كمان ان فى حد قريب مني ھيموت......
سألتني بصوت ضعيف مين ده
قلتلها معرفش أنا جاتلي رسالة من على الفيس مش شخص مجهول وقالي كده....
قالتلي يعني انت كل اللي عملته ده بسبب رسايل جاتلك على الفيس ومش عارف مين اللي بعتهالك
قامت وقفت وقالتلى بصوت عالى لو سمحت يحيى اتفضل دلوقتى عشان أنا تعبانة وعايزة ارتاح وعشان العيش والملح اللي ما بيننا انا مش هقول لخالد حاجه من اللي حصلت لأنه ولو عرف انك جيت تتهجم على مراته وهي لوحدها في البيت وتتهمها پتهم مش موجودة الا في عقلك انت وبس أكيد رد فعله هيزعلنا كلنا...
طريقتها والثقة اللي هى فيها خلوني مصدقها بس أنا كنت شايف الكدب فى عنيها......
سبتها ومشيت بس قبل ما أقفل باب الشقة لفيت وسألتها
نغم هى صاحبتك اللى كنتى عندها امبارح ساكنة فين
فضلت بصالى وساكتة ماردتش عليا وملامح وشها كانت ثابتة مااتغيرتش ...
سبتها ونزلت عشان اطلع على الشغل....
أول مره أحس إني غبي وفاقد القدرة على الحكم ومش قادر أحدد اذا كانت بتكذب ولا لأ يمكن عشان تفكيرى مشغول بالرسالة الاخيرة بفكر مين هو اللى ھيموت....
وصلت الشغل وقبل ماادخل المكتب لقيت استاذ سامح واقف ادام الباب وبيقولي انت الساعه كام معاك 
قلتله معلش اتأخرت شوية لسه بيعلى صوته وبيقولي أعمل بيها ايه معلش دي
قلتله عايز تخصم اخصم بس ياريت مااسمعش صوتك ودي كانت أول مره أتكلم معاه بالطريقة دي على طول بسمع كلامه واسكت وبعدي بس المرة دي مش عارف ايه اللي حصل!
يمكن عشان مطبق من إمبارح ولا بسبب دماغى اللي مشغولة بتفكر في اجابة لاسئلة كتير بتدور جواها أيا كان السبب انا معرفتش اسكت زي كل مرة.......
استاذ سامح فضل مبرقلى وساكت سيبته ومشيت عشان ادخل المكتب لقيته ندانى بصوت عالى وقالي ايه اللي انت بتقوله ده
قلتله زي ما سمعت ولا طولت معايا في الكلام انا هضربك.....
اټصدم من طريقتي وانا كمان كنت مستغرب طريقتى.....
فضل باصصلى وكان شايف فى عنيا انى بتكلم بجد قالى بكل هدوء اللى حصل ده هيترفع بيه مذكرة للمدير المالي واعرف ان انت هتترفض قلتله وعلى ايه انا همشي لوحدي احسن......
سبته وطلعت على البيت وطول الطريق تليفوني مابطلش رن من رنا وخالد اكيد عرفوا انى سبت الشغل وانا مكنتش عايز أرد على حد فيهم دلوقتى خصوصا خالد وبرضو مكنتش عايز اقفل التليفون عشان مستني رسالة جديدة في اي وقت.....
وصلت البيت وأول ما دخلت لقيت أمى بتسألني وباين على وشها الزعل انت سبت الشغل ليه
وايه اللي حصل يا ابني
قلتلها مين اللي قالك 
قالتلي رنا اتصلت بيا وقالتلي انك مشيت ومش بترد على حد هو حصل ايه
قلتلها زعقت مع سامح المدير بتاعنا..... لسه بتسألني طب ليه قلتها معلش انا مانمتش من إمبارح وعايز انام ولما أقوم نتكلم هو رامى ورحمة فين
قالتلى رامى فى المدرسة ورحمة فى الكلية اعملك فطار طيب 
قلتلها لأ أنا أكلت برا.....
سبتها ودخلت أنام وقبل ماعينى تروح فى النوم سمعت صوت رسالة مسكت التليفون لقيت الاكونت رجع وباعتلى رسالة جديدة مكتوب فيها
اخوك مش في المدرسة رامى عند سيد صاحبه بيشرب مخډرات ولو عايز تتأكد روح العنوان ده وبعدها لقيت الاكونت اختفى تماما!!!!!
قمت بسرعة غيرت هدومي ونزلت وكنت عمال أردد العنوان عشان ما انسهوش وصلت وسألت على البيت كان بيت قديم في البيطاش جوا......
طلعت خبطت لقيت سيد فاتحلى واتفاجأ لما شافني....
سألته على اخويا قالي رامى في المدرسة....
دخلت الشقة لقيته قاعد لوحده سألته فين اهلك
قالي في البيت الشقة الفاضية دى بتاعت خالي وانا بذاكر فيها وبعدين انت عرفت العنوان هنا ازاي
قلتله بتذاكر فيها ولا بتشرب فيها
اټصدم من طريقتى وقالي ايه الكلام ده 
مين اللى وصلك كده
كان بيتكلم طبيعي جدا ومكانش باين عليه التوتر
قربت منه وسألته بهدوء رامي بيشرب معاك
قالي ولا رامى بيشرب ولا انا بشرب....
فضلت ساكت شوية وقلتله هنشوف هنشوف....
سبته ونزلت ورحت المدرسة عشان اشوف رامي هناك ولا لأ بس كان اليوم الدراسي خلص رنيت عليه قالي أنا خلصت مدرسة وروحت....
طلعت سألت في الإدارة على حضوره واتأكدت انه كان حاضر في المدرسة النهاردة
أنا بدات اتخنق ......................
هو مين اللي بيبعتلى الرسايل دى وليه 
وازاي بيختفى
وازاى عارف كل حاجه عنى وعن كل اللي حواليا
وليه بيحاول يشككنى فيهم
ايه هدفه من كل ده
طلعت على البيت لقيت رامي في أوضته بس معرفتش اتكلم معاه لان خالد ورنا كانوا مستنيين فى الصالة طلعت قعدت معهم وفضلوا